პროექტები

პროექტები

1.  პროექტის სახელწოდება: თამბაქო და ადამიანი


2.  პროექტის მთავარი იდეა:  მოსწავლეებსა და თემს გავაცნოთ თამბაქოს ზეგავლენა ადამიანის ჯანმრთელობაზე.


3.  პროექტის აქტუალობა: ეს თემა აქტუალურია, რადგან გაახალგაზრდავდა თამბაქოს მომხმარებელთა ასაკი, და იმატა მდედრობითი სქესის მწეველთა რაოდენობამ.


4.  პროექტის მიზნები: მოსწავლეთა მონაწილეობით ჩატარდეს კვლევა, რათა მათ უკეთ გაიგონ თამბაქოს მავნე ზეგავლენა ადამიანის ჯანმრთელობაზე.

5.  მონაწილეთა ასაკი: 15-17 წელი.


6.  ვადები/ხანგრძლივობა: 1,5-2 თვე.


7.  მოსალოდნელი შედეგები: მოსწავლეები თვალნათლივ დაინახავენ თამბაქოს მოწევის მავნებლობას. რამოდენიმე ერთეულით შემცირდება მწეველთა რიცხვი. მოერიდებიან სკოლაში და თავშეყრის ადგილებში სიგარეტის მოწევას, აღარ ექნება უმცროსი ასაკის ბავშვებზე ზეწოლას (სიგარეტის მოწევაზე დაძალებას) ადგილი.


8.   პროექტისათვის საჭირო ძირითადი რესურსები: თაბახის ფურცლები, ფორმატი, ფლომასტერები, ვიდეო გადამღები, კომპიუტერი, პროექტორი, ინტერნეტიდან ამოღებული მასალები.


9.   პროექტის მსვლელობა: უნდა შეიქმნას საინიციატივო ჯგუფი, განისაზღვროს და განაწილდეს ფუნქციები. მომზადდეს საკვლევი კითხვები. ინტერვიუს ჩატარების პროცედურების დაგეგმვა.განცხადებების ტესტის შედგენა, თემების შერჩევა კონფერენციის ჩასატარებლად. ბიოლოგიური საღამოს სცენარის დაწერა. დასაპატიჟებელი სტუმრების სიის (ექიმების, იურისტების, რელიგიის წარმომადგენლის, თემის, მშობელთა წარმომადგენლის) შედგენა. მოსაწვევების დაბეჭდვა, სტუმრების მოწვევა, დარბაზის მომზადება.       მოსწავლეების მიერ  1-12 კლასებში ლექცია საუბრების ჩატარება თემაზე:
          1) თამბაქო ადამიანის მტერია.
          2) ჯანმრთელი ცხოვრების წესი.
          3) ხელები შორს სიგარეტისაგან.
   საინიციატივო ჯგუფი  წინასწარ შედგენილი კითხვების, ანონიმური ანკეტების შევსების საშუალებით მოიძიებენ საჭირო ინფორმაციას. დაამუშავებენ მოპოვებულ ინფორმაციას, შეადგენენ დიაგრამებს, და გამოაკრავენ სკოლაში თვალსაჩინო ადგილას. ჩატარდება კედლის გაზეთების, ნახატების, სურათების, პლაკატების გამოფენა კონკურსი. გამოვლინდება საუკეთესო ნამუშევრები. აქციაში მონაწილე მოსწავლეები წარმოადგენენ საუკეთესო ინტერვიუებს საზოგადოების სხვადასხვა წარმომადგენლებთან, მწეველ თანატოლებთან. უამრავი წერილი გაეგზავნება მწეველ თანატოლებს არამწეველებისაგან.  ჩატარდება კონფერენცია თემაზე: "თამბაქო სატანას ჯადოა". კონფერენციაზე მოწვეულნი იქნებიან მშობლები, თემის წარმომადგენლები, სამეურვეო საბჭოს წევრები და სხვა.                                                                                                   11-12-ე კლასების მოსწავლეთა შორის ჩატარდება ვიქტორინა თემაზე: "შეჩრდი საშიშია."
მოსწავლეები შექმნიან ბუკლეტებს და დაარიგებენ საზოგადოებრივი თავშეყრის ადგილებში.
       ჩატარდება ბიოლოგიური საღამო, სადაც მოწვეულნი იქნებიან ინტელიგენციის წარმომადგენლები: იურისტი, ფსიქოლოგი, პედიატრი, ნერვოპათოლოგი, ფტიზიატრი, ლარინტოლიგი, გინეკოლოგი, სახელმწიფო დაწესებულების ხელმძღვანელები, არასამთავრებო ორგანიზაციის წარმომადგენელი, რელიგიის წარმომადგენელი და კურსდამთავრებულები.
      ღონისძიება წარიმართება სცენარის მიხედვით.
      ღონისძიებაში ჩართული იქნება მოსწავლეების მიერ შექმნილი სიუჟეტები და მათ კომენტარს გაუკეთებს შესაბამისი სპეციალისტი მოწვეული სტუმრებიდან.

10.  საგნებთან/საგნობრივ ჯგუფებთან/ ეროვნულ სასწავლო გეგმასთან კავშირი: კავშირი ქიმიასთან, ისტორიასთან, მათემატიკასთან.

11.  პროექტის ხელმძღვანელი; ბიოლოგიის პედაგოგი. ა.მიმინოშვილი

12.  ხელმძღვანელის ელ.ფოსტა:aza miminoshvili@gmail. com

13.  პროექტის ვებ–გვერდი/ბლოგვი: